Page Title

શ્રી બનાસકાંઠા કડવા પાટીદાર સંસ્કાર મંડળ સંચાલિત શ્રી એમ.બી. કરણાવત હાઈસ્કૂલ, પાલનપુર ખાતે શૈક્ષણિક સત્ર ૨૦૨૬-૨૭ અંતર્ગત ૨૯ સપ્ટેમ્બર ૨૦૨૬, મંગળવારે રોજ "પ્રથમ વાર્ષિક પરીક્ષા અનુલક્ષી સ્ટાફ મીટીંગ" નું અગત્યનું આયોજન કરવામાં આવ્યું હતું.
આચાર્યશ્રી બી. એ. જગાણીયાના અધ્યક્ષસ્થાને યોજાયેલી આ મીટીંગમાં મુખ્ય મહેમાન તરીકે માર્ગદર્શકશ્રી નરેશભાઈ એમ. પટેલ ઉપસ્થિત રહ્યા હતા. સભા સંચાલન શ્રી બી. એ. મકવાણાએ કર્યું હતું અને સ્વાગત તથા આભાર વિધિ શ્રી આર. બી. તરાલ દ્વારા કરવામાં આવી હતી.
શાળામાં યોજાનાર પ્રથમ વાર્ષિક પરીક્ષા સુચારુ, શિસ્તબદ્ધ, પારદર્શક અને નિષ્પક્ષ રીતે યોજાય તે માટે જરૂરી આયોજન અને માર્ગદર્શિકાઓ અંગે વિગતવાર ચર્ચા કરવામાં આવી હતી. જેમાં શિક્ષકો માટે નિર્ધારિત સમય પહેલાં શાળાએ પહોંચવું, સમયસર વર્ગખંડમાં પહોંચી નિરીક્ષણ કરવું, સમયસર જવાબવહી અને પ્રશ્નપત્રનું વિતરણ કરવું, સંપૂર્ણ પ્રામાણિકતાથી સુપરવિઝન કરવું તથા પરીક્ષા બાદ ઉત્તરવહીઓનું ચોકસાઈપૂર્વક મૂલ્યાંકન કરવા જેવા મહત્વના મુદ્દાઓ આવરી લેવાયા હતા.
આચાર્યશ્રીએ તમામ શિક્ષકશ્રીઓને સમયપાલન, શિસ્ત, નિષ્પક્ષતા અને જવાબદારી જેવા ગુણો સાથે ફરજ બજાવવા માર્ગદર્શન અને સૂચનાઓ આપી હતી. તમામ શિક્ષકોએ પરીક્ષાની કામગીરી સફળતાપૂર્વક પૂર્ણ કરવા સંપૂર્ણ સહકાર આપવાની ખાતરી આપી હતી અને આભારવિધિ સાથે મીટીંગ પૂર્ણ થઈ હતી.

શ્રી બનાસકાંઠા કડવા પાટીદાર સંસ્કાર મંડળ સંચાલિત શ્રી એમ.બી. કરણાવત હાઈસ્કૂલ, પાલનપુર ખાતે શૈક્ષણિક સત્ર ૨૦૨૬-૨૭ અંતર્ગત ૨૬ સપ્ટેમ્બર ૨૦૨૬, શનિવારના રોજ "વિકસિત ભારત – ૨૦૪૭" વિષય પર શેરી-નાટકનું સુંદર અને સંદેશાત્મક આયોજન કરવામાં આવ્યું હતું.
આચાર્યશ્રી બી. એ. જગાણીયાના માર્ગદર્શન હેઠળ યોજાયેલા આ કાર્યક્રમમાં મુખ્ય મહેમાન તરીકે શિક્ષણ સમિતિના ચેરમેનશ્રી એ. કે. પટેલ સાહેબ અને એમ.એડ. કોલેજના હેડ અને પ્રાધ્યાપક ડો. પીનાક્ષીબેન પટેલ ખાસ ઉપસ્થિત રહ્યા હતા. સભા સંચાલન શ્રી એસ. બી. દરજી દ્વારા કરવામાં આવ્યું હતું, સ્વાગત અને આભાર વિધિ શ્રી જી. કે. ગોહિલે કરી હતી તેમજ કાર્યક્રમના કન્વીનર શ્રી વી. એચ. પરમાર રહ્યા હતા. આ પ્રદર્શન નિહાળવા માટે ૫૦૦ જેટલી સંખ્યામાં લોકો અને વિદ્યાર્થીઓ ઉપસ્થિત રહ્યા હતા.
આ શેરી-નાટકનો મુખ્ય હેતુ વિદ્યાર્થીઓમાં દેશપ્રેમ, રાષ્ટ્રનિર્માણની ભાવના, સામાજિક જવાબદારી અને ૨૦૪૭ સુધીમાં ભારતને વિકસિત અને આત્મનિર્ભર બનાવવામાં પોતાની ભૂમિકા પ્રત્યે જાગૃતિ લાવવાનો હતો. નાટકમાં વિદ્યાર્થી કલાકારોએ શિક્ષણ, સ્વચ્છતા, પર્યાવરણ સંરક્ષણ, ડિજિટલ ટેકનોલોજી, મહિલા સશક્તિકરણ, આત્મનિર્ભરતા, સામાજિક સમરસતા અને જવાબદાર નાગરિકત્વ જેવા વિષયોને અસરકારક સંવાદો, વેશભૂષા અને ઉત્કૃષ્ટ અભિનય દ્વારા રજૂ કર્યા હતા.
નાટક દ્વારા "વિકસિત ભારતનું સ્વપ્ન એ દરેક નાગરિકની સિયારા જવાબદારી છે" નો સંદેશ આપી વિદ્યાર્થીઓમાં દેશવિકાસમાં યોગદાન આપવાની સકારાત્મક ભાવના કેળવવામાં આવી હતી. કાર્યક્રમના અંતે સૌએ ૨૦૪૭ના વિકસિત ભારતના નિર્માણ માટે નિષ્ઠાપૂર્વક પ્રયત્ન કરવાનો સંકલ્પ લીધો હતો. આ જ્ઞાનવર્ધક અને પ્રેરણાદાયી કાર્યક્રમ બદલ ભાગ લેનાર તમામ વિદ્યાર્થીઓ અને માર્ગદર્શક શિક્ષકોને અભિનંદન પાઠવવામાં આવ્યા હતા. મુખ્ય સૂત્ર: "આજનો જાગૃત વિદ્યાર્થી – આવતીકાલના વિકસિત ભારતનો ઘડવૈયો"

શ્રી બનાસકાંઠા કડવા પાટીદાર સંસ્કાર મંડળ સંચાલિત શ્રી એમ.બી. કરણાવત હાઈસ્કૂલ, પાલનપુર ખાતે શૈક્ષણિક સત્ર ૨૦૨૬-૨૭ અંતર્ગત ૧૯ સપ્ટેમ્બર ૨૦૨૬, શનિવારના રોજ "વિકસિત ભારત – ૨૦૪૭ સેવા સંકલ્પ અભિયાન – ૨૦૨૬" હેઠળ ચિત્ર પ્રદર્શન અને 'Back to School' શિક્ષણ સહાય કાર્યક્રમનું સફળ આયોજન કરવામાં આવ્યું હતું.
શાળાના આચાર્યશ્રી બી. એ. જગાણીયાના માર્ગદર્શન હેઠળ યોજાયેલા આ કાર્યક્રમમાં ૧૫૦ બાળકોએ ભાગ લીધો હતો. આ પ્રસંગે જિલ્લા પંચાયત પ્રમુખશ્રી વસંતભાઈ પુરોહિત, ધારાસભ્યશ્રી અનિકેતભાઈ ઠાકર, શિક્ષણ સમિતિ ચેરમેનશ્રી શ્રીમતી પ્રિયંકાબેન ચૌહાણ અને બનાસકાંઠાના જિલ્લા શિક્ષણાધિકારીશ્રી ડૉ. હિતેશભાઈ પટેલ મુખ્ય મહેમાન તરીકે ઉપસ્થિત રહ્યા હતા. કાર્યક્રમનું સભા સંચાલન શ્રી એ. એસ. પરમારે કર્યું હતું, શ્રીમતી બી. એ. અરબે સ્વાગત-આભાર વિધિ કરી હતી અને કન્વીનરશ્રી આર. કે. ગુર્જર રહ્યા હતા.
"આજની કલ્પના જ આવતીકાલના વિકસિત ભારતનો પાયો છે" એ ભાવના સાથે યોજાયેલી ચિત્ર સ્પર્ધામાં વિદ્યાર્થીઓએ આધુનિક શિક્ષણ, સ્વચ્છ અને હરિયાળું ભારત, નવીન ટેકનોલોજી, અવકાશ વિજ્ઞાન, આત્મનિર્ભર ભારત અને રામમંદિર જેવા વિષયો પર સુંદર ચિત્રો દોરી પોતાની કલા અને દેશપ્રેમ વ્યક્ત કર્યો હતો.
આ પ્રવૃત્તિથી વિદ્યાર્થીઓમાં સર્જનાત્મકતા, દેશપ્રેમ, પર્યાવરણ અને ટેકનોલોજી પ્રત્યે જાગૃતિ તથા રાષ્ટ્રીય ગૌરવની ભાવના દ્રઢ થઈ હતી. શિક્ષકોના માર્ગદર્શન અને પ્રોત્સાહનથી આ કાર્યક્રમ સફળ રહ્યો હતો. "આપણું સ્વપ્ન, આપણી કલ્પના અને આપણી જવાબદારી – વિકસિત ભારત"ના સંદેશ સાથે આ કાર્યક્રમ સંપન્ન થયો, જેમાં આજના વિદ્યાર્થીઓને જ આવતીકાલના વિકસિત ભારતના સાચા શિલ્પી તરીકે બિરદાવવામાં આવ્યા હતા.

શ્રી બનાસકાંઠા કડવા પાટીદાર સંસ્કાર મંડળ સંચાલિત શ્રી એમ.બી. કરણાવત હાઈસ્કૂલ, પાલનપુર ખાતે શૈક્ષણિક સત્ર ૨૦૨૬-૨૭ અંતર્ગત ૨૮ ઓગસ્ટ ૨૦૨૬, શુક્રવારના રોજ "રક્ષાબંધન પર્વની ઉજવણી" નો કાર્યક્રમ હર્ષોલ્લાસભેર યોજવામાં આવ્યો હતો.
આચાર્યશ્રી બી. એ. જગાણીયાના માર્ગદર્શન હેઠળ યોજાયેલા આ કાર્યક્રમમાં મુખ્ય મહેમાન તરીકે બ્રહ્માકુમારી સંસ્થા, પાલનપુરના ભારતીબેન ખાસ ઉપસ્થિત રહ્યા હતા. કાર્યક્રમનું સભા સંચાલન શ્રી વાય. ડી. બારડે કર્યું હતું, સ્વાગત અને આભાર વિધિ શ્રી એમ. એ. સોલંકી દ્વારા કરવામાં આવી હતી તેમજ કાર્યક્રમના કન્વીનર શ્રીમતી કે. આર. પટેલ રહ્યા હતા.
કાર્યક્રમની શરૂઆત શાળાની પ્રાર્થના સભાથી કરવામાં આવી હતી. આ પ્રસંગે શિક્ષકશ્રીઓ દ્વારા વિદ્યાર્થીઓને રક્ષાબંધન પર્વના ઐતિહાસિક, સાંસ્કૃતિક અને સામાજિક મહત્વ વિશે માહિતગાર કરવામાં આવ્યા હતા અને સમજાવવામાં આવ્યું હતું કે રાખડીનો તંતુ આપણને પરસ્પર પ્રેમ, સ્નેહ અને એકબીજાની કાળજી લેવાનો સંદેશ આપે છે.
આ પ્રસંગે વિદ્યાર્થીનીઓએ વિદ્યાર્થી ભાઈઓને સ્નેહપૂર્વક રાખડી બાંધી હતી અને વિદ્યાર્થીઓએ પરસ્પર પ્રેમ, સ્નેહ, વિશ્વાસ તથા રક્ષણની ભાવના વ્યક્ત કરી હતી. આ ઉજવણી દ્વારા સમગ્ર શાળા પરિસરમાં આનંદ અને ઉત્સાહનું વાતાવરણ છવાઈ ગયું હતું. વિદ્યાર્થીઓમાં સ્નેહ, એકતા, ભાઈચારો અને ભારતીય સંસ્કૃતિ પ્રત્યે ગૌરવની ભાવના કેળવાય તે હેતુથી યોજાયેલો આ સમગ્ર કાર્યક્રમ અત્યંત આનંદમય અને યાદગાર રહ્યો હતો.

શ્રી બનાસકાંઠા કડવા પાટીદાર સંસ્કાર મંડળ સંચાલિત શ્રી એમ.બી. કરણાવત હાઈસ્કૂલ, પાલનપુર ખાતે શૈક્ષણિક સત્ર ૨૦૨૬-૨૭ અંતર્ગત ૨૨ ઓગસ્ટ ૨૦૨૬, શનિવારના રોજ "સ્વામી વિવેકાનંદ જીવનચરિત્ર ક્વિઝ સ્પર્ધા" નું જ્ઞાનવર્ધક આયોજન કરવામાં આવ્યું હતું.
આચાર્યશ્રી બી. એ. જગાણીયાના માર્ગદર્શન હેઠળ યોજાયેલા આ કાર્યક્રમમાં મુખ્ય મહેમાન તરીકે માર્ગદર્શકશ્રી નરેશભાઈ એમ. પટેલ ઉપસ્થિત રહ્યા હતા. કાર્યક્રમનું સભા સંચાલન શ્રી વાય. ડી. બારડે કર્યું હતું, સ્વાગત અને આભાર વિધિ શ્રી એસ. બી. દરજી દ્વારા કરવામાં આવી હતી તેમજ કાર્યક્રમના કન્વીનર શ્રીમતી ભારતીબેન સોલંકી રહ્યા હતા.
વિદ્યાર્થીઓમાં જ્ઞાન, તર્કશક્તિ અને સ્વામી વિવેકાનંદના જીવનચરિત્ર તથા તેમના વિચારો પ્રત્યે જાગૃતિ કેળવવાના હેતુથી આ સ્પર્ધા યોજવામાં આવી હતી. સ્પર્ધામાં વિદ્યાર્થીઓએ ઉત્સાહપૂર્વક ભાગ લઈને સ્વામી વિવેકાનંદના જીવન, સંદેશા, રાષ્ટ્રપ્રેમ તથા સામાન્ય જ્ઞાન આધારિત પ્રશ્નોના જવાબો આપ્યા હતા. આ પ્રવૃત્તિ દ્વારા વિદ્યાર્થીઓમાં જ્ઞાનની સાથે આત્મવિશ્વાસ અને સ્વસ્થ સ્પર્ધાત્મક ભાવનાનો સુંદર વિકાસ જોવા મળ્યો હતો.
કાર્યક્રમના અંતે વિજેતા વિદ્યાર્થીઓને અભિનંદન પાઠવી પ્રોત્સાહિત કરવામાં આવ્યા હતા. આ સમગ્ર કાર્યક્રમ શાળાના આચાર્યશ્રી તથા શિક્ષકમિત્રોના યોગ્ય માર્ગદર્શન હેઠળ સફળતાપૂર્વક સંપન્ન થયો હતો.

શ્રી બનાસકાંઠા કડવા પાટીદાર સંસ્કાર મંડળ સંચાલિત શ્રી એમ.બી. કરણાવત હાઈસ્કૂલ, પાલનપુર ખાતે શૈક્ષણિક સત્ર ૨૦૨૬-૨૭ અંતર્ગત ૦૮ ઓગસ્ટ ૨૦૨૬, શનિવારના રોજ "વ્યસન મુક્તિ" વિશે જાગૃતિ લાવતા સંદેશાત્મક કાર્યક્રમનું સફળ આયોજન કરવામાં આવ્યું હતું.
આચાર્યશ્રી બી. એ. જગાણીયાના માર્ગદર્શન હેઠળ યોજાયેલા આ કાર્યક્રમમાં મુખ્ય મહેમાન તરીકે દાતાશ્રી હેમાભાઈ જગાણીયા તથા બ્રહ્માકુમારી સંસ્થા, પાલનપુરના ભારતીબેન ખાસ ઉપસ્થિત રહ્યા હતા. કાર્યક્રમનું સભા સંચાલન શ્રી વાય. ડી. બારડે કર્યું હતું, સ્વાગત અને આભાર વિધિ શ્રી બી. એ. મકવાણા દ્વારા કરવામાં આવી હતી તેમજ આ કાર્યક્રમના કન્વીનર શ્રીમતી એ. કે. પટેલ રહ્યા હતા.
સ્વસ્થ અને સુખી જીવન માટે વ્યસનમુક્તિ એ આજના સમયની મહત્વપૂર્ણ જરૂરિયાત છે તે હેતુથી યોજાયેલા આ કાર્યક્રમમાં વિદ્યાર્થીઓને તમાકુ, ગુટખા, બીડી-સિગારેટ તથા અન્ય હાનિકારક વ્યસનોથી થતા શારીરિક, માનસિક અને સામાજિક નુકસાન અંગે વિગતવાર માહિતગાર કરવામાં આવ્યા હતા. વક્તાશ્રીઓએ વ્યસનથી દૂર રહીને સ્વસ્થ જીવનશૈલી અપનાવવા માટે વિદ્યાર્થીઓને પ્રેરણાદાયી માર્ગદર્શન પૂરું પાડ્યું હતું.
કાર્યક્રમ દરમિયાન વિદ્યાર્થીઓએ વ્યસનના દૂષણ સામે સમાજમાં જાગૃતિ ફેલાવવાનો તથા પોતે વ્યસનથી દૂર રહીને અન્ય લોકોને પણ વ્યસનમુક્ત જીવન તરફ પ્રેરિત કરવાનો દ્રઢ સંકલ્પ લીધો હતો. આ જાગૃતિ અને પ્રેરણાથી ભરપૂર કાર્યક્રમના અંતે સૌએ એકસાથે વ્યસનમુક્તિનો સંદેશ આપ્યો હતો.
મુખ્ય સૂત્ર: "વ્યસન છોડો, જીવન જોડો" અને "વ્યસનમુક્ત યુવા – સ્વસ્થ સમાજ – ઉજ્જવળ ભારત!"